ପ୍ରୟାଗରାଜ : ପୁଣି ମହାକୁମ୍ଭରେ ଅଗ୍ନିକାଣ୍ଡ । ସେକ୍ଟର -୨୨ରେ ଅଗ୍ନିକାଣ୍ଡ ଘଟିଛି । ଏହି ଅଘଟଣରେ ସବୁ ଜିନିଷ ଜଳିପୋଡି ପାଉଁଶ ହୋଇଯାଇଛି । ତେବେ ନିଆଁ କିପରି ଲାଗିଲା ଏଯାଏଁ କାରଣ ଜଣାପଡିନାହିଁ । ଘଟଣା ସ୍ଥଳେର ପୋଲିସ ପହଞ୍ଚି ତଦନ୍ତ ଆରମ୍ଭ କରୁଛି । ଏହି ଅଘଟଣରେ ୧୫ଟି ପେଣ୍ଡାଲ ତମ୍ବୁ ପୋଡି ପାଉଁଶ ହୋଇଯାଇଥିବା କୁହାଯାଉଛି । ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ହେଲେ ଭାଗ୍ୟବଶତଃ କାହାର କିଛି କ୍ଷତି ହୋଇନାହିଁ କହିଛନ୍ତି ଅଗ୍ନିଶମ ବିଭାଗ ଅଧିକାରୀ ପ୍ରମୋଦ ଶର୍ମା । ଏହି ଅଗ୍ନିକାଣ୍ଡ ପୂର୍ବରୁ ଦୁଇଥର କୁମ୍ଭମେଳାରେ ଅଗ୍ନିକାଣ୍ଡ ଘଟିବାର ଖବର ମିଳିଛି। କିଛି ଦିନ ତଳେ ସେକ୍ଟର-୨ରେ ଦୁଇଟି କାରରେ ନିଆଁ ଲାଗିବା ହେତୁ ଅଗ୍ନିକାଣ୍ଡ ଘଟିଥିଲା। ସେହିପରି ଗତ ଜାନୁଆରି ୧୯ ତାରିଖରେ ମହାକୁମ୍ଭ ମେଳାର ସେକ୍ଟର-୧୯ର ଏକ ଶିବିରରେ ରଖା ଯାଇଥିବା ଘାସରେ ନିଆଁ ଲାଗି ଅଗ୍ନିକାଣ୍ଡ ଘଟିଥିଲା।
