ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ଥାନା କୁଟୁଣିଆ ପଞ୍ଚାୟତ ଅନ୍ତର୍ଗତ ସୋନାଖାନ ଗ୍ରାମରେ ଏକ ବନ୍ଦ ଘରେ କଳାକନା ବୁଲାଇ ଲକ୍ଷାଧିକ ସୁନା ଗହଣା ଚୋରି କରି ନେଲେ ଦୁର୍ବୁତ୍ତ । ସୋନାଖାନା ଗ୍ରାମର ବାସିନ୍ଦା ଅବସର ପ୍ରାତ ସେନା କର୍ମଚାରୀ ସୀମନ କୁଜୁର ପତ୍ନୀଙ୍କ ସହ ରବିବାର ଅପରାହ୍ନ ପ୍ରାୟ ଅଢ଼େଇଟା ସମରେ ଘରେ ତାଲା ପକାଇ ଏକ ଧାର୍ମିକ କାର୍ଯ୍ୟରେ ଯୋଗ ଦେବାକୁ ଯାଇଥିଲେ । ରାତି ପ୍ରାୟ ସାଢ଼େ ୯ ଟା ସମୟରେ ଘରେ ପହଞ୍ଚି ସେ ଦେଖିଲେ ଘରର ପଛପଟ ଝରକାର ଗ୍ରୀଲ ଭାଙ୍ଗି ଦୁର୍ବୃତ୍ତମାନେ ଘରେ ପଶି ଆଲମାରିରେ ରଖାଯାଇଥିବା ସୁନା ଗହଣା ଏବଂ ନଗଦ ଟଙ୍କା ଚୋରି କରି ନେଇଛନ୍ତି। ଏ ନେଇ ସେ ରାଜଗାଙ୍ଗପୁର ଥାନାକୁ ସୂଚନା ଦେବା ପରେ ରାଜଗାଙ୍ଗପୁର ଥାନା ଅଧିକାରୀ ବିଜୟ ଦାସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।
