ଦନ୍ତାହାତୀର ଗଳିତ ମୃତଦେହ ଉଦ୍ଧାର। ଢେଙ୍କାନାଳ ଜିଲ୍ଲା ସଦର ରେଞ୍ଜ ଅନ୍ତର୍ଗତ ଗଦାଶିଳା ବିଟ୍ କାଶିଆଡିହି ଗ୍ରାମ ନିକଟସ୍ଥ ଜଙ୍ଗଲରେ ପଡି ରହିଛି ବିରାଟକାୟ ଦନ୍ତାହାତୀ ର ମୃତ ଦେହ । ୩/୪ ଦିନ ପୂର୍ବରୁ ହାତୀ ଟି ମରିଥିବା ଅନୁମାନ କରାଯାଉଛି । ଆଜି ସକାଳୁ କାଶିଆଡିହି ଗାଁର କିଛି ଲୋକ ନିକଟସ୍ଥ ଗ୍ରାମ୍ୟ ଜଙ୍ଗଲକୁ ଯାଉଥିବା ବେଳେ ହାତୀଟିର ଗଳିତ ମୃତଦେହ ଦେଖିବାକୁ ପାଇଥିଲେ ।
ପରେ ବନବିଭାଗକୁ ଖବର ଦେବା ପରେ ଘଟଣାସ୍ଥଳରେ ବନ କର୍ମଚାରୀ ପହଞ୍ଚିଛନ୍ତି । ତେବେ, ଏତେ ଦିନ ହେବ ହାତୀଟି ମରି ପଡ଼ିଥିବା ବେଳେ ବନବିଭାଗ ଏ ସମ୍ପର୍କରେ ଖବର ନପାଇବା ବନବିଭାଗର ପାରିବାପଣିଆକୁ ପଦାରେ ପକାଇଛି ।