ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦ ସଦରମହକୁମାରେ ଥିବା ନେତାଜୀ ପଡ଼ିଆରେ “ପ୍ରେସ୍ କ୍ଲବ୍ ଦଶପଲ୍ଲା “ପକ୍ଷରୁ ଚତୁର୍ଦ୍ଦଶ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଉଦଘାଟକ ଭାବେ ସ୍ଥାନୀୟ ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ବଳନ କରିବା ସହ କାର୍ୟ୍ୟକ୍ରମକୁ ଉଦଘାଟନ କରିଥିଲେ। ମୁଖ୍ୟ ଅତିଥି ଭାବେ ଅବସରପ୍ରାପ୍ତ କୁଳପତି ପ୍ରଫେସର କୁମରବର ଦାସ, ମୁଖ୍ୟ ବକ୍ତା ” ଦି ହିନ୍ଦୁ” ର ପ୍ରାକ୍ତନ ସାମ୍ବାଦିକ ପ୍ରଫୁଲ୍ଲ କୁମାର ଦାଶ, ସମ୍ମାନୀତ ଅତିଥି ଗବେଷକ ଗଣେଶ୍ୱର ସ୍ୱାଇଁ, ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷା ଇଂ ପୁନମ୍ ପ୍ରିୟଦର୍ଶିନୀ ପ୍ରମୁଖ ଉପସ୍ଥିତ ଥିଲେ। ଚୁଲୁ ବାବୁ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ ଏବଂ ପ୍ରେସ୍ କ୍ଲବ୍ ର ସମ୍ପାଦକ ଡ଼ା ପ୍ରଫୁଲ୍ଲ କୁମାର ଦାଶ ସମ୍ପାଦକୀୟ ବିବରଣୀ ପାଠ କରିଥିବା ବେଳେ ସଭାପତି ସୁରେଶ କୁମାର ସାହୁ ମଞ୍ଚ ପରିଚାଳନା କରିଥିଲେ। ପୁରାଣ ଯୁଗ ଠାରୁ ଆରମ୍ଭ କରି ବର୍ତ୍ତମାନ ଯୁଗ ପର୍ୟ୍ୟନ୍ତ ସାମ୍ବାଦିକତା ଉପରେ ଅତିଥି ବିସ୍ତୃତ ଭାବେ ଆଲୋଚନା କରିଥିଲେ। ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପୂର୍ବତନ ଥାନା ଅଧିକାରୀ ମୁକେଶ କୁମାର ବେହେରା,ଆଶାକର୍ମୀ ଜାନକୀ ବେହେରା, ହୀରାଞ୍ଚଳ ସାମ୍ବାଦିକ ରତ୍ନାକର ହୋତା, ଓଟିଭି ଦଶପଲ୍ଲା ସାମ୍ବାଦିକ ସଞ୍ଜୀବ କୁମାର ସାହୁ ଏବଂ ଶ୍ରେଷ୍ଠ ପାଠକ ଭାବେ ବାରପୁରିକିଆ ଯୁଧିଷ୍ଠିର ସାହୁ ପ୍ରେସ୍ କ୍ଲବ୍ ତରଫରୁ ସମ୍ବର୍ଦ୍ଧିତ କରାଯାଇଥିଲା।ଏଥିରେ ଜିଲ୍ଲାର ବିଭିନ୍ନ ବ୍ଲକ୍ ରୁ ବରିଷ୍ଠ ସାମ୍ବାଦିକ ଓ ସାମ୍ବାଦିକା ମାନେ ଯୋଗ ଦେଇଥିଲେ। ଏହି କାର୍ୟ୍ୟକ୍ରମକୁ ପ୍ରେସ୍ କ୍ଲବ୍ ର ସମସ୍ତ ସାମ୍ବାଦିକ ସଦସ୍ୟ ମାନେ ସହଯୋଗ କରିଥିଲେ।ପରିଶେଷରେ କୃତ୍ତି ଛାତ୍ରଛାତ୍ରୀ ଙ୍କୁ ଟ୍ରଫି ପ୍ରଦାନ କରାଯାଇଥିଲା।
