ଦିଲ୍ଲୀ : ସତ୍ୟେନ୍ଦ୍ର ଜୈନଙ୍କର ବଢିଲା ଅଡୁଆ । କେଜ୍ରିୱାଲ ସରକାରରେ ମନ୍ତ୍ରୀ ଅଛନ୍ତି ସତ୍ୟେନ୍ଦ୍ର । ତେବେ ପ୍ରବର୍ତ୍ତନ ନିର୍ଦ୍ଦେଶାଳୟ ସତ୍ୟେନ୍ଦ୍ରଙ୍କ ସମ୍ପର୍କୀୟଙ୍କ ଘରୁ ଜବତ କରିଛି ୨.୮୨ କୋଟି ଟଙ୍କା ଓ ଅନେକ ସୁନା ବିସ୍କୁଟ। ୧୩୩ଟି ସୁନା ବିସ୍କୁଟ ଓ ସୁନା ଟଙ୍କା ଏହି ଚଢାଉ ସମୟରେ ଜବତ କରିଛି ଇଡି ।
ଗତ ମେ’ ୩୦ ତାରିଖରେ ମନି ଲଣ୍ଡରିଂ ମାମଲାରେ ସତ୍ୟେନ୍ଦ୍ର ଜୈନଙ୍କୁ ଇଡି ଗିରଫ କରିଛି । ସତ୍ୟେନ୍ଦ୍ରଙ୍କୁ ଗିରଫ କରିବା ପରେ କୋର୍ଟରେ ହାଜର କରିଥିଲା ଇଡି । ପରେ ୯ ଜୁନ୍ ପର୍ଯ୍ୟନ୍ତ ଇଡି ହେପାଜତରେ ରହିବାକୁ କୋର୍ଟ ଅନୁମତି ଦେଇଥିଲେ । ଯାଞ୍ଚ ଏଜେନ୍ସିଙ୍କୁ ଭ୍ରୁଆଁ ବୁଲାଇବାକୁ ସତ୍ୟେନ୍ଦ୍ର ପୂର୍ବରୁ ନିଜର ପରିବାରର କିଛି ସଦସ୍ୟଙ୍କୁ ବ୍ୟବହାର କରିଥିଲେ । ଏପରିକି ସତ୍ୟେନ୍ଦ୍ରଙ୍କ ମାଧ୍ୟମରେ ପରିବାରର ସଦସ୍ୟ କୋଟି କୋଟି ଟଙ୍କା ହାସଲ କରିଥିଲେ ।