ମୁମ୍ବାଇ: ବଲିଉଡ଼ କୁଇନ୍ କଙ୍ଗନା ରଣାୱତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବିଟାଉନର କେତେକ ଶକ୍ତିଶଳୀ ଲୋକଙ୍କ ବିରୋଧରେ ବିଷ ଓଗ।।ଳିବା ସହ ଗୁମର ଖୁଲିବାରେ ଲାଗିଛିନ୍ତି । ସୁଶାନ୍ତଙ୍କ ମୃତ୍ୟୁ ମାମଲାର ତଦନ୍ତ ଆଗକୁ ବଢିବାରେ କଙ୍ଗନାଙ୍କ ଭୂମିକା ଯେ ଗୁରୁତ୍ୱପୂର୍ଣ୍ଣ ତାହା ଏଡ଼େଇ ହେବନି । କିଛି ଦିନ ହେଲା ବଲିଉଡ଼ର ମୁଷ୍ଠିମେୟଙ୍କ ମୁଖା ଖୋଲି ଚର୍ଚ୍ଚାରେ ଥିବା କଙ୍ଗନା ଏବେ ତାଙ୍କ ଆଗମୀ ଫିଲ୍ମର ନାଁ ଆଉ ଲୁକ୍ କୁ ନେଇ ଚର୍ଚ୍ଚାରେ ଅଛନ୍ତି । ଆଜି ନିଜ ଟ୍ୱିଟର ଆକାଉଣ୍ଟରେ କଙ୍ଗନା ତାଙ୍କ ଆଗାମୀ ଫିଲ୍ମ ‘ତେଜସ’ର ପୋଷ୍ଟର ସେୟାର କରିଛନ୍ତି । ଏଥିରେ କଙ୍ଗନା ଭାରତୀୟ ବାୟୁସେନାର ଜଣେ ପାୟଲଟ୍ ଭାବେ ନଜରରକୁ ଆସିବେ । ଫିଲ୍ମଟିର ସୁଟିଂ ଚଳିତ ବର୍ଷ ଡ଼ିସେମ୍ବରରେ ଆରମ୍ଭ ହେବ ବୋଲି ସେ ସୂଚନା ଦେଇଛନ୍ତି । ଏହି ପୋଷ୍ଟରେ କଙ୍ଗନା ବାୟୁସେନାର ୟୁନିଫର୍ମ ପିନ୍ଧିଥିବା ବେଳେ ତାଙ୍କ ପଛରେ ଭାରତୀୟ ବାୟୁସେନାର ଲଢୁଆ ବିମାନ ତେଜସ ଛିଡ଼ା ହୋଇଥିବାର ଦେଖିବାକୁ ମିଳିଛି । ପୋଷ୍ଟରଟି ସେୟାର କରି କଙ୍ଗନା ଲେଖିଛନ୍ତି ଯେ ତେଜସ ଡିସେମ୍ବରରେ ଉଡାଣ ଭରିବ, ଭାରତୀୟ ବାୟୁସେନାର ସାହାସି ପାଇଲଟଙ୍କୁ ସର୍ମପିତ ଏହି କାହାଣୀର ମୁଁ ଗୋଟିଏ ଅଂଶ ହୋଇ ଗର୍ବ ଅନୁଭବ କରୁଛି । ଫିଲ୍ମର ନିର୍ଦ୍ଦେଶନା ଭାର ସରଭେଶ ମେୱରା ସମ୍ଭାଳିଥିବା ବେଳେ ଆରଏସଭିପି ପ୍ରଜୋଜନା କରୁଛି ।
